السلام عليكم ورحمة الله وبركاته
انا قلت افتتح قسم المقبلات بصنف سهل ولذيذ جدا
تورتة التونه او التورته الحادقه
حنحتاج لعيش توست بس يكون قالب علي بعضه مش مقطع شرايح
جبنه كريمه
مايونيز
دي مكونات اساسيه اما باقي المكونات غيري فيها زي ما انتي عايزه
لانشون
تونه
زيتون اخضر شرائح
خيار شرائح
خيار مخلل
جزر مبشور
حنشيل الطبقه اللي فوق ونخلليه كلله متساوي
ومانرميش اللي حنشيله نستعمله في اي حاجه تانيه
نقطع العيش ثلاث شرائح بالعرض وندهن الطبقه الاولي جبنه ومايونيو ونبدابوضع الحشو حسب الرغبه
وهكذا الي لحد ما نعمل كل الطبقات
ثم نغطي القالب كاملا بالجبنه
ونبددا نزينه بباقي الحشو علي حسب متحبي
وده الشكل النهائي
انا كمان بعملها في العزومات كطبق جانبي بس بدل التونه بعمل شرائح فراخ مسلوقه او لحمه برده
وشرائح ماشروم
وبدل اللانشون ديك رومي مدخن
ولوتحبي كمان ممكن
سلمون مدخن
و بتكون احلي طبعا
وبالهنا والشفا
ياللا مستنيه رأيكم ماحنا لازم نشجع بعضينا احنا مالناش غير بعض
الخميس فبراير 11, 2010 1:56 pm
