طرق عصريه علشان نبقى من الذاكرين الله كثيرا والذاكرات
الطريقه الاولى احضر ورقه واثنيها بالنصف حتى تصبح من الجانب بشكل رقم 8 واكب على احد الاوجه الذكر الذى تريده وضعها تحت الشاشه علشان تبقى ديما قدامك
وكل شويه تشوفها
فتذكر
وده مثال ليها
الطريقه الثانيه
الذكر بالوقت وهى انك هتعمل هتقول الذكر وتسوف فى خلال دقيقه واحده فقط هتقول الذكر ده كام مره مثلاً الاستغفار احنا بنقول بالتقريبا استغفر الله فى الدقيقه الواحده بصوره طبيبعيه يعنى مش سريعه ولا بطيئه حوالى 45 الى 50 مره احنا هنقول مثلا 50 استغفار فى الدقيقه وانا راكب وسيله مواصلات مثلا القطار او المترو او الميكروباص الوقت المستغرق فى الميكروباص من اول ما اركب لحد ما اوصل الى الكليه او الشغل بيتسغرق مثلا ربع ساعه هحاول بقدر الامكان اركز بحيث طول ما انا فى وسليه المواصلات استغفر ربنا ولما انزل احسب مثلا ربع ساعه يعنى 15 دقيقه
والدقيقه فيها 50 استغفار
اذن الربع ساعه فيها
50× 15=750 استغفار
وهنخصم مثلا
3 دقايق
ما بين اثناء ما بدفع الفلوس
ودقيقه سرحان
ومنظر شدنى وانا راكب
يبقى 600 استغفار فى وسيله مواصلات واحده وشوف بقى وانت راجع وفى اى وقت يبقى الحال يتظبط
الطريقه الثالثه خلفيه موبيل كلنا تقريبا الا القليل يمتلك موبيلات واكيد بنفتحه فى اليوم حوالى 100 مره او اكتر او اقل مره نشوف الميسد كول مره نبص على الوقت مره بلعب فيه ولكن لو افترضنا اننا بنفتحه فى اليوم مثلا 50 مره وكل مره اول ما افتحه الاقى خلفيه تذكرنى بذكر معين مثلا استغفار او الصلاه على الحبيب صلى الله عليه وسلم
وكل مره هقول الذكر ده مرتين بس يبقى انا كده فقط على الموبيل بدون اى شئ مستنى مثلا على ما الموبيل بيحمل او بيفتح لى حاجه يبقى كده حوالى
100 ذكر فى موبيل بس
بدون ادنى تعب
الطريقه الرابعه الاسكتش تقريبا كلنا اللى بيروح مننا المدرسه
واللى بيروح الكليه واللى بيروح حتى الشغل بيقى معانا
كراسه او اسكتش بنكتب فيها المحاضرات او بنظبط فيها مواعيد او بنخلص فيها شغل
وطبعا دى بتبقى قدامنا طوال
ما احنا فى المهمه دى سواء الشغل او المدرسه
او الكليه
احنا بقى
نكتب على الغلاف بتاعها
اسم الذكر
مثلا اكتب عليه استغفر الله او
صلى الله على حبيبى وسلم
او ممكن طريقه تانيه
اكتب حرف
(( ذ )) وده يرمز لكلمه
ذكر وبكده اول ما اشوف الحرف ده هفتكر فأذكر ربنا او اصلى على الحبيب صلى الله عليه وسلم
الطريقه الخامسه الثلاجه كتير مننا واللى اكتر مننا
البنات بيقفوا فى المطبخ
وطبعاً الثلاجه قدامهم ديما كل ما يتحركوا قدامهم
الفكره بقى بكتبوا الذكر المراد وبلصقه صغيره
يُلصق على الثلاجه
وبكده طول ما هما بينظروا للثلاجه بيذكروا
الطريقه السادسه المرايه اظن بقى دى ما تتوصاش كلنا بلا استثناء
بنقف قدام المرايه بالربع ساعه
على الاقل طوال اليوم
لو احنا نكتب بقى
على المرايه من فوق
ذكر بتاعنا
اظن لو احنا ربع ساعه واقفيين يبقى 5 دقايق على الاقل ذكر
بإذن الله سنوفيكم بكل الافكار الجديده والعصريه علشان نكون من الذاكرين الله كثيرا والذاكرات اللذين يرضى الله عنهم
السبت مارس 13, 2010 5:50 am
