جراتان الدجاج والبطاطس

الأكلة دى برضو تحفة أوى شفتها على فتافيت

ركزوا

نعمل وايت صوص عادى جدا بس فى اضافة صغيرة اننا بعد ما نعمل البشاميل بنضيف فصين توم مهروس وشوية بقدونس وكريمة لبانى

الدجاج نقطع صدور الدجاج شرايح ونسلقها فى ماء وملح وفص توم وحبهان ولورى وبعدين نحط زيت زيتزن وشرايح بصل لما تدبل نضيف شرايح الفراخ



نقطع البطاطس حلقات وفى صينية مدهونة زبدة نحط أول طبقة من البطاطس ونرش عليها فلفل أسود وخلطة الدجاج مع البصل وشوية جبنة مبشورة حسب الرغبة وطبقة بشاميل وبعدين طبقة بطاطس تانى ووفلفل والبشاميل وفوق الوش جبنة مبشورة وندخلها الفرن وبابريكا وبالهنا

تسلم ايديك يا جوجو
شكلها حتبقى حلوه قوي ويميييييييييي

جميله اوووى انا جعت بجد

ابعتلك يا نوشا والله

شكلها حلوة بجد يا جوجو حجربها ان شاء الله
بس هو اية البابريكا دا يا جوجو

ده فلفل أحمر بس حلو يا روش مش حامى بيبقى فى برطمانات صغيرة فى السوبر ماركت

بس ما تنسوش البطاطس تبقى حلقات رقيقة مش سميكة لانها هتستوى بالبشاميل نفسه

يميييييييي يا جوجو احتمال اجربها انهاردة باذن الله

الف هنا يا فروحة

عملته يا جوجو تحففففففففففة
بس انا الصراحة شويت البطاطس الاول في الفرن بشوية زيت زتون وزعتر وملح وفلفل خفت ما تستويش
ما شويتهاش على الاخر تلاتة ارابع سوا بس طلع رووووووووووعة تشلم ادك يافمر
طول ما انا باكله بدعيلك

بالهنا والشفا يا فرح بس انا قطعت البطاطس حلقات رقيقة واستوت عادى مفيش أى مشكلة